«Барыс» хоккей клубына 22 жыл

Елорданың атынан шығатын клуб 1999 жылы 26 қарашада құрылған. Хоккей клубы Қазақстанның символына айналған «қар барысының» құрметіне «Барыс» атауын алған.

Құрылған сәтінен бастап астаналық клуб жоғары нәтижелер көрсетуде. 2008-2009 жылдары «Барыс» ел біріншілігінде, 2007 жылы Ресей Чемпионатының Бірінші Лигасында жеңімпаз атанған.

Еске сала кетейік, 25 қараша күні өткен кездесуде «Барыс» хоккей клубы «Торпедо» командасын 4:2 есебімен жеңді.

27 қарашада «Барыс» өз алаңында ресейлік «Витязьбен» кездеседі. Тартысқа толы матчты «Qazsport» телеарнасы көрсетеді.

«Qazsport» телеарнасы «Барыс» хоккей клубын айтулы күнмен құттықтайды және тек жеңістер тілейді!