Равиль Мансурбаев әлемдік Гран-при сериясының жеңімпазы атанды

Пара жеңіл атлетикадан әлемдік Гран-при сериясында F-46 классында ядро лақтырудан сынға түскен қазақстандық Равиль Мансурбаев жеңіске жетті

Ол ядроны 14,43 метрге лақтырып, бірінші орыннан көрінді. Ал қытайлық қарсыласы Уей Енлонг 14,28 м нәтижесімен екінші орынды иеленсе, 13,39 м нәтижесімен кувейттік спортшы Алсалах Абдуллах үшінші орынға тұрақтады.

Жарыста қазақстандық спортшылар осымен 3-ші медальді иеленді. Бұдан бұрын, найза лақтырудан Руфат Хабибуллин алтын медальді жеңіп алса, ядро латқытрудан Дастан Мукашбеков Гран-придің күміс жүлдегері атанған болатын.

Айта кетейік, пара жеңіл атлетикадан әлемдік Гран-при сериясы Дубай қаласында 26 ақпан мен 1 наурыз аралығында өтті. Жарысқа әлемнің 61 мемлекетінен 545 спортшы қатысты.