Регбиден Қазақстан әйелдер құрамасы Азия чемпионатының күміс жүлдегері атанды

Туризм және спорт министрлігінің мәліметінше, Алматыда өткен регби-15 бойынша Asia Rugby Emirates Women’s Championship турнирінде Қазақстан әйелдер құрамасы күміс жүлдеге ие болды.

Екінші орын үшін отандастарымыз Гонконг құрамасымен тартысып, матч 26:26 есебімен тең аяқталды. Қосымша көрсеткіштер нәтижесінде Қазақстан құрамасы күміс жүлдені иеленді.

Осылайша, Қазақстан әйелдер құрамасы өз алаңында жоғары деңгейдегі ойын көрсетіп, Азиядағы үздік командалардың бірі екенін дәлелдеді.