Хулиан Альварес «ПСЖ-ға» ауысуы мүмкін

Франциялық «Пари Сен-Жермен» мадридтік «Атлетиконың» шабуылшысы Хулиан Альварестің трансфері бойынша келіссөздерді күшейтті.

PSG Report мәліметінше, париждік клуб өкілдері бірнеше аптадан бері аргентиналық футболшының айналасындағы адамдармен байланыс орнатқан.

Команданың бас бапкері Луис Энрике Альварестің ойын мәнерін жоғары бағалап, оны командаға дәл келетін ойыншы санайды.

Футболшыға «Барселона» мен Еуропаның өзге де алпауыт клубтары қызығушылық танытып отыр. Соған қарамастан, Чемпиондар лигасының жеңімпазы «Пари Сен-Жермен» 26 жастағы шабуылшыны өз қатарына қосу үшін бар мүмкіндігін пайдаланбақ.

Париждік клуб аргентиналық ойыншы үшін €150 млн төлеуге дайын.