15 жастағы шахматшы Сауат Нұрғалиев Қазақстан чемпионы атанды

Астана төріндегі (Coventry University Kazakhstan) классикалық шахматтан ерлер мен әйелдер арасындағы ел біріншілігі өз мәресіне жетті.

✅ 15 жастағы Сауат Нұрғалиев ересектер арасында алтыннан алқа тағып, нағыз сенсация жасады. 13 турдың қорытындысы бойынша 9 ұпай жинаған ол, ел чемпионы атанды.

Жүлдегерлер тізімі:

🥇 Сауат Нұрғалиев - 9 ұпай

🥈 Жандос Ағманов - 8,5 ұпай

🥉 Рамазан Жалмаханов - 8 ұпай

Әйелдер арасындағы бәсеке соңғы секундқа дейін шиеленісті өтті. Алғашқы төрт орынды иеленген шахматшылардың ұпайлары тең түсіп, жеңімпаздар тек қосымша көрсеткіштер арқылы анықталды.

🥇 Лия Құрманғалиева - 9 ұпай

🥈 Зарина Нұрғалиева - 9 ұпай

🥉 Елназ Қалиахмет - 9 ұпай