Шұғыла Өмірбек Азия чемпионатында алтын медаль жеңіп алды

Въетнамның Дананг қаласында күрес түрлерінен жастар арасында Азия чемпионаты жалғасуда.

Кезекті жарыс күнінде бозкілемге шыққан грек-рим және әйелдер күресінің шеберлері ел қоржынына тағы 6 медаль (1 алтын, 2 күміс, 3 қола) салды.

Алтын: Шұғыла Өмірбек (55 келі)

Күміс: Алина Ертөстік (76 келі) және Ерасыл Жеңіс (87 келі)

Қола: Лаура Ғаниқызы (50 келі), Виктория Хусаинова (59 келі) және Диас Нұрақов (63 келі).

Бұған дейін грек-рим күресінен Айбек Айтбеков мен Ислам Евлоев алтын алса, Ибрахим Нұрмұхаммед, Әлихан Дурсунов және Джохар Узаров күміс еншілеген болатын. Ал Кирилл Минько қолаға қол жеткізген еді.