Қазақстан құрамасы жолдастық кездесуде Венгрияға есе жіберді

«Надьердеи» стадионында өткен матчта Сергей Малый есеп ашқанымен, Венгрия үш гол соғып, жеңіске жетті.

Венгрия сапында Собослаи, Шафер, Тот гол соқты.

Венгрия 3:1 Қазақстан

Матчтың 9-минутында Максим Самородовтың нәтижелі пасынан кейін Сергей Малый есеп ашып, қазақстандықтарды алға шығарды.

52-минутта Доминик Собослаи есепті теңестірсе, 67-минутта Андраш Шефер Венгрияны алға шығарды. Ал қосымша уақыттың үшінші минутында Раймунд Тот матчтағы соңғы голды соғып, қорытынды есепті белгіледі.

Осылайша, ұлттық құрама маусымдағы екі жолдастық кездесуде де жеңіске жете алмады. Бұған дейін Армениямен тең түскен еді.