Қарағандылық «Шахтер» ҚПЛ-ге оралды

Қазақстан Бірінші лигасының 20-туры аясында «Елімай М» өз алаңында «Шахтерді» қабылдады. Нәтижесінде қарағандылық команда 3:0 есебімен жеңіске жетті. Осы жеңістің арқасында кеншілер ҚПЛ жолдамасын мерзімінен бұрын иеленді.

«Шахтер» 55 ұпай жинап, Бірінші лига турнирлік кестесіндегі көшбасшылығын сақтап қалды. Команда маусымды кемінде екінші орында аяқтайды.
Қарағандылықтар чемпионаттың аяқталуына алты тур қалғанда төртінші орында тұрған «Оңтүстік Академиясынан» 22 ұпайға алда. Ал екінші сатыдағы «Қайрат-Жастар» фарм-клуб ретінде Премьер-лигада өнер көрсете алмайды.
Осылайша, Қазақстан чемпионатының екі дүркін жеңімпазы келесі маусымда Премьер-лигада қайтадан өнер көрсетеді.