Қазақстан велотректен жасөспірімдер арасындағы Азия кубогында бес алтын медаль жеңіп алды

Таиландтың Бангкок қаласында тректегі велоспорттан ересектер мен жасөспірімдер арасындағы Азия кубогы өз мәресіне жетті.
Қазақстан құрамасы жасөспірімдер арасындағы жарыста 5 алтын, 3 күміс және 3 қола медаль еншіледі.
Аружан Қабдулова із кесу және ұпай үшін өткен жарыстарда жеңімпаз атанды. Мансұр Бралин кейрин сайысында топ жарса, Илья Куварин жекелей спринтте алтын медаль иеленді.
Командалық спринтте Зейнолла Азаматұлы, Илья Куварин және Мансұр Бралин үздік нәтиже көрсетіп, Қазақстан қоржынына тағы бір алтын медаль салды.
Күміс жүлдеге Аружан Қабдулова (скрэтч), Виталина Хоружая (ұпай үшін жарыс) және Зейнолла Азаматұлы (із кесу) ие болды.
Ал скрэтчте Виталина Хоружая мен Әлихан Жүнісов, жекелей спринтте Мансұр Бралин қола жүлдегер атанды.