Аударыспақтан Қазақстан құрамасы екі алтын және бір күміс медаль жеңіп алды

VI Дүниежүзілік көшпенділер ойындарында аударыспақтан Қазақстан құрамасының спортшылары екі алтын және бір күміс медаль иеленді.
60 келі салмақта сынға түскен Кәрім Нұрталап финалда Қырғызстан өкілін жеңіп, Қазақстан қоржынына алғашқы алтын медальді салды. Артынша Сайлау Мұхаммеджан 80 келі салмақта топ жарып, ел қоржынына екінші алтынды қосты.
Осы салмақта Расул Құрайыш финалда Қырғызстан спортшысына есе жіберіп, күміс жүлдегер атанды.
Айта кетейік, VI Дүниежүзілік көшпенділер ойындары Қырғызстанда 31 тамыз - 6 қыркүйек аралығында өтеді. Биылғы додада 3 мыңға жуық спортшы 43 спорт түрінен бақ сынайды. Қазақстан құрамасы сапында 155 спортшы жүлдеге таласады.