Қазақстан боксшылары Азия ойындарына соңғы дайындықтарын пысықтады

Қазақстанның ерлер және әйелдер құрамалары өз еліндегі оқу-жаттығу жиынын аяқтап, Азия ойындарына дайындықтың соңғы кезеңіне кірісті.

Әйелдер құрамасының сапында Алуа Балқыбекова, Назым Қызайбай, Виктория Графеева, Аида Әбікеева және Наталия Богданова ел намысын қорғайды. Олардың арасында әлем чемпиондары да бар.
Ерлер құрамасы дайындық барысында Ирак, Қытай және Англия боксшыларымен бірлескен оқу-жаттығу жиындарын өткізіп, техникалық және тактикалық шеберліктерін шыңдады.
Енді қос құраманың боксшылары Жапонияға аттанып, Азия ойындары алдындағы соңғы дайындықтарын сол елде жалғастырады.
Қазақстан әйелдер құрамасы Азия ойындарында бокстан тұңғыш алтын медальді жеңіп алуды көздейді.