VI Дүниежүзілік көшпенділер ойындары: 3-ші күннің қорытындысы

Үшінші күннің қорытындысы бойынша Қазақстан құрамасы 12 алтын, 7 күміс және 5 қола медаль жеңіп алды.

Аударыспақтан Сырым Ізбасаров пен Дарын Өткелбай алтын жүлдеге ие болса, Нұржан Еркінұлы қола медаль алды.

Құсбегіліктен қазақстандық спортшылар 1 алтын, 2 күміс және 1 қола жүлде жеңіп алды. Самбодан Болат Сапар алтын, Еркебұлан Нығметов пен Жандос Бейсенбаев қола медаль иеленді. Қырғыз күресінен Алмас Жұмағали күміс жүлдеге қол жеткізді.

Арқан тартыстан ұлттық құрама «4х4» бағдарламасында Иран спортшыларын жеңіп, алтын медаль алды. Ал қол күресінен қазақстандық спортшылар 7 алтын, 4 күміс және 1 қола жүлде еншіледі.

Осылайша, Қазақстан құрамасы жарыстың үш күнінде 34 медаль жеңіп алды: 16 алтын, 8 күміс және 10 қола.