4 қыркүйекте елордада Астана Марафон-2016 жаппай жүгіру шарасы өтеді

4 қыркүйек күні елордада «Астана Марафон-2016» жаппай жүгіру шарасы өтеді Шарадан жиналған барлық қаражат «Қасиетті Жол», «SOS: Детские деревни», «Аяла», «Дом Мамы» және «BI Жұлдызай» қайырымдылық қорларына, сонымен қатар «One Steppe Beyond» жобасына беріледі. Биылғы марафон 10, 21 және 42 шақырым қашықтықтарға жоспарланған. Марафонға 16 жастан асқан кез келген тұрғын қатыса алады. Аталған шараға бес мыңға жуық адам қатысады деп болжануда, оның арасында шетелдіктер де бар. Бразилия, Ұлыбритания, Германия, АҚШ елдерінің өкілдері өтінім берген. Айта кетейік,марафонға байланысты 07:30 - 14:00 аралығында қаланың орталық көшелері автокөліктердің қозғалысы үшін жабылады.