Головкин-Брук кездесуін тамашалауға келген ең жас және ең үлкен жанкүйер сыйлық алды (ФОТО)

Генаның жекпе-жегін Қазмедиа орталығына арнайы тамашалауға келген ең жас көрермен - қарағандылық Арман 7 жаста. Жасы ең үлкен көрермен - Шымкент өңірінің 63 жастағы тұрғыны Юсуф ағамыз демеушілердің арнайы дайындаған сый-сияпаттарына ие болды. Айта кетейік, қазақстандық жанкүйерлер тағатсыздана күтіп отырған Геннадий Головкин мен Келл Брук арасындағы кездесуді бүгін сағат 03:30-да «Қазақстан» мен «Kazsport» телеарналарынан көре аласыздар. Сондай-ақ, kaztrk.kz және kazsport.kaztrk.kz сайттары арқылы жекпе-жектің онлайн-көрсетілімі жүргізіледі. Жекпе-жектің қайталауын «Kazsport» телеарнасынан 11 қыркүйек күні 9:50-де және 12 қыркүйек күні 00:35-те тамашалай аласыздар. Ал, «Қазақстан» Ұлттық телеарнасынан қайталаулар 11 қыркүйек күні 10:00 мен 15:00-де болады.