Қазақстандық волейболшылар Жағажай ойындарында қола медаль иеленді

Қазақстандық Алексей Сидоренко мен Дмитрий Яковлев Вьетнамда өтіп жатан Жағажай ойындарында қола медаль иеленді.

Үшінші орынға талас матчында қазақстандық волейболшылар индонезиялықтарды екі сетте жеңді. Ал турнирдің бірінші және екінші орындарын катарлықтар жеңіп алды.

Қазақстандық Татьяна Машкова мен Ирина Цимбалова болса, әйелдер арасында төртінші орынға табан тіреді.

Сидоренко мен Яковлев аталмыш жарыста Қазақстанның еншісінде 12-ші медальді салды. Бүгінде біздің спортшылар үш алтын, бес күміс және төрт қола медаль жеңіп алды.