Олимпиада чемпионы Дмитрий Баландин Ақтөбеде ашық сабақ өткізді

Суға жүзуден Олимпиада чемпионы Дмитрий Баландин Ақтөбе қаласындағы № 56 орта мектепте ашық сабақ өткізді. «Физульт-Ура» әлеуметтік жобасы аясында ұйымдастырылған шараға «Астана» Президенттік клубының менеджері, Олимпиада чемпионы Юрий Мельниченко да қатысты.

Спорт жұлдыздары оқушылармен бірге мектеп жасындағы балаларға арналған фитнес-технология жаттығуларын жасады. Балалар 45 минут бойы жаттығып, чемпионнан қажетті кеңес алды. Жаттығу аяқталғаннан кейін, оқушылар танымал спортшымен естелік суретке түсті. Олимпиада чемпионы Дмитрий Баландин сәуір айында Астана қаласында алғашқы ашық сабағын өткізген болатын. Әлеуметтік жоба бұдан кейін Алматы қаласында жалғасады.

Фото - vesti.kz