Астанада MMA бойынша V Әлем чемпионаты өтеді

Қазан айының 6-7-і күндері елордада өтетін әлемдік додаға жер-жаһанның 30 мемлекетінен 100-ден астам әуесқой спортшы қатысады. Жекпе-жек шеберлері 8 салмақ дәрежесінде чемпион атағын сарапқа салады. Бұдан қоса, бұл турнирде алғаш рет қыздар да сынға түседі. Олар екі салмақ дәрежесі бойынша өнер көрсетеді. 

Әлем чемпионатына аты аңызға айналған Федор Емельяненко, UFC жұлдызы Хабиб Нурмагомедов құрметті қонақ ретінде шақырылған. 

Айта кетейік, қазақстандық жанкүйерлер аралас жекпе-жек кешін «Qazaqstan» және «QazSport» телеарналарынан тікелей эфирде тамашалай алады.