Анатолий Тимощук жоспарларымен бөлісті

«Қайраттың» жартылай қорғаушысы Анатолий Тимощук болашаққа жасаған жоспарларымен бөлісті.

«Қазір «А» және «В» лицензияларын алып, Украинада «PRO» бапкерлік лицензиясына оқып жатырмын. Өкінішке орай, алдыңғы сессияға келуге мүмкіндігім болмады. Чемпионатты өзімнің қазіргі командаммен аяқтағанды жөн санаймын. Себебі алда жартылай финал және болуы мүмкін финал бар. Егер осы жылы біз Кубокты үшінші рет ұтсақ, оны клубта алып қала аламыз. Чемпионатта бірінші орын алу тапсырмасы тұрған. Өкінішімізге орай, тек екінші орынды қанағат тұтуымыз керек болып тұр. Маусым аяқталғаннан кейін, ары қарай не істейтінімді жақсылап ойланамын,» - деді Украина құрамасының экс-капитаны.