«Астана-2001» «Алтай кубогінде» уақытынан бұрын жеңіске жетті

Семейде 2001 жылы туған жасөспірімдер арасында футболдан «Алтай кубогі» халықаралық турнирі өтіп жатыр.

12 қазан күні Вячеслав Прокопенко шәкірттері Курчатов қаласынан (ШҚО) келген ұжымды 3:0 есебімен жеңді. Голдарды Стас Басманов, Даниил Пичкарев пен Әділжан Дүйсембаев салды.

Ал, бүгін «Ертіс» (Омск) командасын 5:0 есебімен басым түсіп, соңғы тур алдында өздеріне бірінші орынды қамтамасыз етті. Осы матчта Азамат Нұржанұлы, Әділжан Дүйсембаев, Стас Басманов, Темірлан Кенжебеков пен Әділет Амангелді голдарымен көзге түсті.

Ертең «Астана» футбол центрінің шәкірттері соңғы турда семейлік «Спартак-2000» командасымен кездеседі.