Бүгін Қазақстан құрамасы Даниямен кездеседі

Бүгін 2018 жылғы футболдан Әлем чемпионатының іріктеу турнирі аясында Қазақстан құрамасы Дания командасымен кездеседі. Ойын Копенгаген қаласындағы «Паркен» стадионында өтеді.

Бұл ойын - Қазақстан үшін осы турнир аясындағы төртінші матч. Бұған дейін футболдан Ұлттық құрама Польша, Черногория және Румыния командаларымен кездесу өткізіп, 2 матчта ұпай бөліссе, бір ойында жеңілген болатын. 

Естеріңізге сала кетейік, біздің құрама мен даниялықтар арасындағы кездесуді тікелей эфирде «Қазақстан» және «Kazsport» телеарналарынан көре аласыздар. Трансляцияның басталуы түнгі 01:35-те. Сондай-ақ,  kaztrk.kz және kazsport.kaztrk.kz сайттарында онлайн-көрсетілім жүргізіледі.