Самат Смақов: Туған жерімнің клубына көмектесуге дайынмын

Келесі жылы футболдан Қазақстан чемпионатының жоғарғы лигасында шығысқазақстандық «Алтай» өнер көрсетпек. Осы өңірдің тумасы, аты аңызға айналған Қазақстан құрамасының бұрынғы капитаны Самат Смақов «Алтай» ФК-ның баспасөз қызметіне берген сұхбатында өзінің туған клубына қайтып оралуы туралы айтып берді. 

«Менің достарым өнер көрсететін және жұмыс істейтін туған жерімнің клубына көмектесуге дайынмын.  Әзірге «Алтай» тарапынан ешқандай ұсыныс түспеді. Сабырлық сақтап, кішкене күте тұрайық,» - деді Самат Смақов.

Айта кетейік, Самат Смақов осы маусымда шымкенттік «Ордабасы» сапында өнер көрсетті.