Олимпиада ойындарында журналистер отырған автобусқа жасалған шабуылдан екі адам зардап шекті

Олимпиада ойындарында журналистер отырған автобусқа жасалған шабуылдан екі адам зардап шекті Рио-де-Жанейрода Олимпиада ойындары кезінде журналистер отырған автобусқа жасалған шабуыл салдарынан екі адам зардап шекті. Бұл туралы бразилиялық Estadao порталы хабарлады. Жолаушылардың бірінің айтуынша, Деодоро олимпиада кластерінен бас баспасөз орталығына бағыт алған журналистер отырған автобус оқ астында қалды. Нәтижесінде Оқиға салдарынан Түркиядан келген ерікті мен Белорусь елінің журналисті зардап шекті, олар шағын жарақат алды. Куәгерлердің айтуынша, шабуылдан шыққан дыбыстар қару даусына ұқсас болған. Алайда полиция мәліметіне сәйкес, автобусқа тас лақтырылған соның салдарынан терезелер сынған. Олимпиада ойындарының ұйымдастырушы комитеті тергеу жұмыстарын бастағанын мәлімдеді.