Жазира Жаппарқұл жұлқа көтеруден кейін екінші орында

Ол қытай спортшысынан 1 келі қалып келе жатыр. Рио-де-Жанейрода өтіп жатқан Олимпиада ойындарында ауыр атлетикадан әйелдер арасында 69 келіге дейінгі салмақ санатындағы жарыс басталды. Қоссайыстың алғашқы сынынан кейін, нақтырақ айтқанда, жұлқа көтеруден соң, қазақстандық Жазира Жаппарқұл 115 келі нәтижесімен екінші орында тұр. Бұл сайыста қытайлық Сян Яньмэй 116 келімен көш бастап келеді. Айта кетейік, ауыр атлетика жарысын дәл қазір "Қазақстан" телеарнасынан көре аласыздар.