Қазақстандық боксшы Қайрат Ералиев Олимпиаданың ширекфиналына қадам басты

Бокстан 56 келіге дейінгі салмақта Қайрат Ералиев азербайжандық боксшы Чалабиев Жавидке қарсы шаршы алаңға шықты. Оңтүстік Қазақстан облысының тумасы жекпе-жекті жақсы қарқынмен бастап, алғашқы раундты өз пайдасына шешті. Екінші раундтың басында қазақстандық боксшы қорғаныста болды, бірақ кейін басымдықты өз қолына алып, азербайжан спортшысын үдете түсті. Сөйтіп екі раундты да ұтты. Жекпе-жектің үшінші раундын қазақстандық ұтылғанымен, төрешілердің шешімімен ширекфиналға Қайрат Ералиев өтті. Енді 25 жастағы қазақстандық боксшы Өзбекстандық Муроджан Ахмадалиевпен қолғап түйістіреді. Бұл жекпе-жек 15 тамыз күні Астана уақытымен сағат 03:15-те басталады.