Боксшы Абылайхан Жүсіпов алғашқы кездесуінде жеңіліп қалды

Қазақстандық боксшы Абылайхан Жүсіпов өзінің алғашқы жекпе-жегінде ұлыбританиялық Маккормак Пэтпен жұдырықтасып, Олимпиаданың ширек финалына өте алмады. Екі боксшының жекпе-жегі тартысты болды. 64 келіге дейінгі салмақ дәрежесінде өнер көрсететін боксшымыз кездесудің алғашқы секундттарынан шапшаң қимылдап, бәсекелесін шабуылдауға тырысты. Алайда, ұлыбританиялық спортшы оңтайлы әрекет етіп, бірінші раундта жеңіске жетті.  Екінші раундта отандасымыз қарсыласын соққы астына алуға тырысқанымен, қарсылас дес бермеді. Нәтижесінде бірінші раундта қазылар жеңісті бірауыздан Маккормак Пэтке берді.  Соңғы үшминуттықта ширек қимылдап, барын салды. Алайда Маккормактың бағыттаған соққылары боксшымызға дөп тиіп жатты. Осылайша, сәл ғана басымдықпен британиялық былғары қолғап шебері жеңіске жетті.