Әділбек Ниязымбетов Риодағы Олимпиада ойындарын жеңіспен бастады

81 келіге дейінгі салмақ дәрежесінде өнер көрсететін қазақ боксшысы Әділбек Ниязымбетов Риодағы Олимпиада ойындарын жеңіспен бастады. Жерлесіміз алғашқы кездесуінде беларусь былғары қолғап шебері Михаил Долголевецке қарсы шаршы алаңға шықты.  Ниязымбетов алғашқы минуттардан өзіне сенімді өнер көрсетті. Кездесудің бірінші раундында беларусь боксшысына бірнеше рет шабуыл жасап, жойқын соққылар бағыттады. Екінші раундта да Михаил Долголевец жерлесімізге қарсы қауқар таныта алмады. Сөйтіп, шаршы алаңда шеберлігі мен тәжірибесінің арқасында 3:0 есебімен жеңіске жетті.  Енді Әділбек Ниязымбетов әзірбайжандық Теймур Маммадовпен жұдырықтасады.