Данияр Елеусінов Рио Олимпиадасының финалында

Қазақстандық боксшы Данияр Елеусінов Рио олимпиадасының финалына шықты.  69 келіге дейінгі салмақ дәрежесі бойынша жартылай финалдық кездесуде қазақстандық француз былғары қолғап шебері Сулейман Сиссокамен қолғап түйістіріп, 3:0 есебімен жеңіске жетті.  Алғашқы раундты Елеусінов сенімді жеңіспен аяқтады. Ал екінші раундтың басында отандасымыз кезекті шабуыл кезінде  қарсыласына баспен соқтығысып, жарақат алды. Нәтижесінде дәрігер жерлесімізге жекпе-жекті жалғастыруға рұқсат бермей, кездесу тоқтатылды.  Өз кезегінде төрешілер жеңісті Елеусіновке берді.  Енді Данияр Елеусінов Рио олимпиадасының финалында өзбек боксшысы Шахрам Гиясовпен Олимпиада ойындарының алтын медалін сарапқа салады. Жекпе-жек 18 тамыз күні Астана уақытымен сағат 01:30-да өтеді.