Василий Левит Олимпиада ойындарының күміс жүлдегері атанды

Рио Олимпиадасында 91 келі салмақ дәрежесінде өнер көрсететін Василий Левит Олимпиада ойындарының күміс жүлдегері атанды. Қазақстандық боксшы ақтық сында ресейлік Евгений Тищенкомен кездесіп, 3:0 есебімен жеңілді. Алғашқы раундта Василий Левит ширақ қимылдап, 28:29 есебімен өз пайдасына шешті. Алайда, екінші раундта отандасымыз 30:27 есебімен ұтылды. Соңғы үшминуттықта біздің боксшымыз басымдық танытып, қарсыласынан белсендірек болғанымен, төрешілер қарсыластар тең дәрежеде өнер көрсетті деп бағалады (29:29).