Әділбек Ниязымбетов Олимпиада ойындарының финалына шықты

Рио-де-Жанерода өтіп жатқан Олимпиада ойындарында бокстан 81 келіге дейінгі салмақ санатында өнер көрсететін отандасымыз Әділбек Ниязымбетов кезекті кездесуін өткізіп, ақтық сынға жолдама алды. Жартылай финалдық жекпе-жекте ұлыбританиялық боксшы Джошуа Буатсиге қарсы жұдырықтасқан Әділбек үш раундта да басымдық танытып, (29:28, 29:28, 29:28) есебімен айқын жеңіске жетті. Енді 27 жастағы отандасымыз финалдық жекпе-жекте кубалық Хулио Сесар Ла Круспен ХХХІ Олимпиада ойындарының алтын медаліне таласады.