Қазақстандық палуан қыз Екатерина Ларионова Рио Олимпиадасының қола жүлдесін жеңіп алды (ВИДЕО)

63 келіге дейінгі салмақ дәрежесінде белдесетін қазақстандық палуан қыз Екатерина Ларионова Рио Олимпиадасының қола жүлдесін жеңді. «Қола» үшін болған белдесуде 22 жастағы Ларионова америкалық Елена Пирожковамен кездесті. Жекпе-жектің бірінші кезеңін АҚШ спортшысы 3 ұпаймен ұтты. Алайда екінші үшминуттықта Ларионова шабуыл жасап, қарсыласының жауырын жерге тигізіп, таза жеңіске жетті. Нәтижесінде отандасымыз Қазақстан қоржынына 14-ші медальді салды. Айта кетейік, Қазақстан Тәуелсіздік жылдарында Олимпиададан алғаш рет 14 медаль алып отыр.