Олимпиада чемпионы Данияр Елеусіновтың қолтаңбасы қойылған жейдені ұтып ал!

Бокстан Рио-до-Жанейрода өтіп жатқан XXXI Жазғы Олимпиада ойындарының жеңімпазы Данияр Елеусіновтың қолтаңбасы қойылған жейдені ұтып алғыңыз келе ме? Ендеше, «Қазақстан» және «Kazsport» телеарналары ұйымдастырған байқауға атсалысыңыз! Байқау шарты: Олимпиада чемпионына арналған құттықтау видео түсіріп, Instagram желісіндегі өз аккаунтыңыз арқылы жариялаңыз. Жарияланымда @kaztrk_kz, @kazsporttv аккаунттары мен #kaztrkdaniyar хэштегін белгілеу міндетті. Қазақтың батыр ұлына арналған жүрекжарды лебіздерді қабылдау дәл қазіргі сәттен басталады. Сыйлық ең ерекше құттықтау иесіне табысталады. Жеңімпаздың есімі 22 тамызда kaztrk.kz порталында жарияланатын болады.