Қазақстандық боксшылар Рио Олимпиадасында 4-ші орынға тұрақтады

Бразилияның Рио-де-Жанейро қаласында өткен жазғы Олимпиада ойындарында Қазақстанның боксшылар құрамасы медаль саны бойынша 4-ші орынға тұрақтады, деп жазады Sports.kz. Қазақстанға алтын медальды Данияр Елеусінов алып берді. Сондай-ақ күміс медаль Василий Левит пен Әділбек Ниязымбетовке, «қола» Иван Дычко мен Дариға Шәкімоваға бұйырды. Боксшылар құрамасы бойынша алғашқы орында өзбек боксшылары, екінші орында кубалық спортшылар тұр. Ал, үшінші орынға Франция құрамасы тұрақтаған.