Қазақстандық велошабандоз «Тур Де Франс» веложарысында алғашқы ондыққа енді
Биылғы жылғы 109-шы мәрте ұйымдастырылған дәстүрлі «Тур Де Франс» велокөпкүндінде сынға түскен «Astana Qazaqstan Team» командасының өкілі Алексей Луценко атақты жарыстың басты классификациясында 9-шы орыннан көрінді. Луценко жеңімпаздан жалпы есепте 22,56 секундқа қалып қойды. 21 кезеңге созылған Копенгаген қаласынан Парижге дейінгі жарыста велошабандоздар 3349,8 шақырырымды жүріп өтті.
Алексей 11 кезеңде 8-ші, 17 кезеңде 5-ші және 18 кезеңде мәре сызығын 6-шы болып кесті.
Елисей алаңында аяқталған «Достық кезеңінің» жеңімпазы «Alpecin-Deceuninck» командасының мүшесі, бельгиялық Яспер Филиппсен болса, барлық кезең бойынша жарыс жеңімпазы «Jumbo-Visma» велокомандасының өкілі, Йонас Вингегор болды.
Даниялық велошабандоз жеңімпазға берілетін сары жейдемен бірге таулы кезең жеңімпазы атанды.
Командалық классификацияда қазақстандық «Astana Qazaqstan Team», қатысқан 22 команданың арасынан үздік ондықты түйіндеді. Бұл сында британиялық «INEOS Grenadiers» командасы жеңімпаз атанды.
«Тур Де Франс 2022» қорытындысы:
Басты классификация (сары жейде) - Йонас Винегрор (Дания) («Jumbo-Visma»)
Ұпайлық классификация (жасыл жейде) - (зеленая майка) Ваут Ван Арт (Бельгия) («Jumbo-Visma»)
Таулық классификация (бұршақты жейде) - Йонас Винегрор (Дания) («Jumbo-Visma»)
Жастар классификациясы (ақ жейде) - Тадей Почагар (Словения) «UAE Team Emirates»
Командалық классификация (жейдесінде сары түсті номер) - «Ineos Grenadiers» (Ұлыбритания)
