Қазақстан үстел теннисінен Әлем чемпионатының 1/16 финалына жолдама алды

Қазақстанның ерлер және әйелдер құрамалары Ұлыбритания астанасы Лондонда өтіп жатқан командалық Әлем чемпионатының 1/16 финалына шықты.

Ерлер құрамасы топтық кезеңдегі үш кездесудің барлығында жеңіске жетіп, плей-оффқа бірінші орынмен тікелей шықты. Ал әйелдер құрамасы өз тобында екінші орын иеленіп, кейін өтпелі матчта Бельгияны 3:0 есебімен айқын басымдықпен жеңді.

4 мамырда 1/8 финалдың жолдамасы сарапқа салынатын шешуші ойындар өтеді. Қазақстанның ерлер құрамасы Испаниямен шеберлік байқасса, әйелдер құрамасы Швецияға қарсы шығады.