Жеңіл атлет: Иван Иванов Азия чемпионатында қола жүлде иеленді

Қазақстан құрамасы Оңтүстік Кореяның Мокпо қаласында өтіп жатқан жеңіл атлетикадан Азия чемпионатындағы алғашқы медаліне қол жеткізді.

Шарболат лақтыру сайысында ел намысын қорғаған Иван Иванов үздік үштіктен көрініп, қола жүлдені еншіледі.

Отандасымыз ең сәтті мүмкіндігінде снарядты 19.41 метрге дейін лақтырды.

Алтын медаль Қытай өкілі Чэнь Хунфэйге бұйырды - 20.18 метр. Күміс жүлдені тағы бір қытайлық спортшы Чэнь Чэньгуо жеңіп алды - 19.64 метр.