Лука Модрич – 2018 жылғы «Алтын доп» иегері
«Реал Мадрид» клубының хорватиялық жартылай қорғаушысы Лука Модрич France Football журналының жылдың ең үздік футболшысына берілетін жүлдесіне ие болды. Бұл бәсекеде Модричке оның бұрынғы командаласы Криштиану Роналду және француздық шабуылшы Антуан Гризманн басты қарсылас болған еді.
Естеріңізге сала кетейік, «Алтын доп» жүлдесін 2008 жылдан бері Роналду мен Месси ғана өзара бөлісіп келген болатын. Биылғы рейтингте Роналду – екінші, Месси бесінші орында тұр.
