Юлия Галышева Әлем Кубогының кезеңінде жеңімпаз атанды

Канаданың Калгари қаласында өтіп жатқан фристайлдан Әлем кубогының кезеңінде қазақстандық спортшы Юлия Галышева жеңімпаз атанды.

Финалдық сында отандасымыз 79,10 ұпайымен бірінші орыннан көрінді. Күміс жүлде француз спортшысы Перрин Лаффонға бұйырса, үздік үштікті америкалық Джейлин Кауф түйіндеді.

Айта кетейік, Юлия Галышева желтоқсан айында Финляндияның Рука қаласында өткен жарыста екінші орыннан көрінген еді.