Қысқы Олимпиадада шана спортынан Қазақстан тарихындағы алғашқы спортшы өнер көрсетті

Пхенчхандағы Қысқы Олимпиада ойындарында шана спортының алғашқы кезеңдері өтті. Бұл спорт түрінен қазақстандық Никита Копыренко бақ сынады. Алғашқы сырғанау барысында отандасымыз 50,147 секунд көрсеткішімен 35-ші орын алды. Ал, екінші сырғанауда 50,327 секундпен 38-ші нәтиже көрсетті. Жарыстың 3 және 4 іріктеу кезеңдері ертең өтетін болады. Қорытынды есеп 4 іріктеу кезеңінің жиынтығы бойынша есептелетін болады.