FIFA QATAR 2022 футболдан Әлем чемпионаты көрсетілімінің презентациясы өтті

«Қазақстан» телерадиокорпорациясы 2022 жылғы 20 қараша мен 18 желтоқсан аралығында Қатарда өтетін футолдан Әлем чемпионатын көрсету құқығын иеленді.

Осыған орай, ХХІІ Әлем біріншілігі көрсетілімінің соңғы дайындық жұмыстары қорытындыланып, арнайы презентация жасалды. Шарада алдағы мундиальда ұсынылатын студиялық бағдарламалар, күнделікті шығарылымдар мен байқаулар таныстырылды.

Жиынға «Астана» футбол клубының жас ойыншылары мен белгілі спортшылар - Қазақстан Ұлттық құрамасының экс-ойыншысы Давид Лория, рекордшы Сергей Цырульников, суда жүзуден параспортшы Сиязбек Далиев қатысты.

ҚР Ақпарат және қоғамдық даму министрі Дархан Қыдырәлі спорттық трансляцияларды жоғары деңгейде ұйымдастыру қажеттігі туралы айтып, Корпорация ұжымына және комментаторларға сәттілік тіледі.

«Qazaqstan» және «Qazsport» арналары жалпы спортқа, оның ішінде футболға тұрақты қолдау көрсетіп келеді. Бұған дейін «Superbol» телевизиялық жобасы арқылы ел өңірлерінде жүрген жас футболшылардың жұлдызын жақты. Енді бір ай бойы отандық жанкүйерлерге футбол мерекесін сыйлайды. Телеэфирлерімізде спорт журналистикасындағы ең таңдаулы деген комментаторларымыз лайықты қызмет көрсететініне сенеміз», - деді министр.

Шарада Әлем чемпионатының комментаторлық құрамы таныстырылып, Есей Жеңісұлы мен Сергей Райлян тікелей эфирде матч жүргізу тәжірибесімен бөлісті.

«Әлем чемпионатын жүргізуге ең тәжірибелі 14 комментаторды шақырдық. Бір ай бойы комментаторлармен жұмыс істейтін тіл мамандары тартылды. Одан бөлек, көрермендерге эксклюзив материалдар ұсыну үшін Қатарға арнайы түсірілім тобы жіберілді.

Бір айға жалғасатын футбол мерекесінде еліміздегі барша футбол жанкүйерлерін, спорт сарапшыларын «Qazaqstan» және «Qazsport» арналарынан тікелей эфирде шығатын, студиялық бағдарламаларымызға қатысуға, көрермендермен ой бөлісуге шақырамыз», - деді «Қазақстан» телерадиокорпорациясының Басқарма төрайымы Ләззат Танысбай.

Журналист Ерсін Ерік шарада Қатардан тікелей байланысқа шығып, жаһандық доданың соңғы жаңалықтарымен бөлісті.

Жиын соңында Қазақстан құрамасының экс-қақпашысы Давид Лория «Астана» футбол клубының жас тәрбиеленушілеріне мастер-класс өткізіп, болашақта осы балалардың арасынан әлем чемпионатында ел намысын қорғайтын футболшылар шығатынына сенім білдірді.

Естеріңізге сала кетсек, қазақстандық жанкүйерлер чемпионат матчтарын «Qazaqstan» және «Qazsport» телеарналарынан тікелей эфирде көре алады. Сонымен бірге qazaqstan.tv және qazsporttv.kz сайты мен «Qazaqstan.tv» мобильді қосымшасы арқылы онлайн трансляция жасалады.


Танымал жаңалықтар

Соңғы жаңалықтар

Давид Лория Қфф бас хатшысы болып тағайындалды
Шайбалы хоккей: Қазақстан әйелдер құрамасы Әлем чемпионатының ІВ дивизионында бақ сынайды
Михаил Шайдоров 2026 жылғы Олимпиадаға жолдама жеңіп алды
Зейнолла Ыдырысов Германиядағы турнирде жеңіске жетті
Дмитрий Попко Мексикадағы турнирде топ жарды
Болат Сақаев күміс жүлдегер атанды
Нұрқожа Қайпанов үш дүркін Азия чемпионы атанды
Михаил Шайдоров Әлем чемпионатының күміс жүлдегері
Ризабек Айтмұхан күміс жүлдеге ие болды
Рахат Қалжан Азия чемпионатында еркін күрестен қола медальға ие болды
Софья Самоделкина қысқы Олимпиада ойындарының лицензиясына ие болды
Жәмилә Бақбергенова Азия чемпионатында алтын жүлдегер атанды
Зейнеп Баянова Азия чемпионатында қола жүлдегер атанды
Евгений Кошкин конькимен жүгіруден 100 метр қашықтықта Әлемдік рекорд орнатты
ЮНЕСКО Хатшылығына тоғызқұмалақ ойынының тақтасы табысталды
Ербол Мырзабосынов Халықаралық ауыр атлетика федерациясының басшысымен кездесті
Легионерлерді бюджеттен қаржыландыру тоқтайды
Омар Сатаев Азия чемпионатында күміс жүлдегер атанды
Қазақстан құрамасы жеңіске жетті
Әлімхан Сыздықов грек-рим күресінен Азия чемпионатының күміс жүлдегері атанды