Қазақстан құрамасы шағын футболдан Әлем Чемпионы атанды

Шағын футболдан Германияда өткен әлем чемпионатында Қазақстан құрамасы жеңімпаз атанды.

Жерлестеріміз топтық кезеңде Ливияны 3:1 есебімен жеңіп, Египетпен тең ойнап (1:1), Украинадан жеңілген еді (2:6).

Топтық кезеңнің қорытындысы бойынша Қазақстан құрамасы үшінші орынмен плей-офф кезеңіне жолдама алды. 

1/16 финал: Молдова 3:1

1/8 финал: Кипр 2:1

1/4 финал: АҚШ 1:1 (2:1)

1/2 финал: Мексика 2:2 (5:4)

Финал: Украина 2:2 (2:1) 

Socca – шағын футболдың түрі. Футболшылар 6х6 форматында ойнайды. Тең түскен жағдайда, буллит сериясында жеңімпаз анықталады.

Айта кетейік, өткен жылғы әлем чемпионатында Қазақстан құрамасы финалға дейін жетіп, Бразилиядан 0:3 есебімен жеңілген еді.