Футболдан Қазақстан құрамасы Солтүстік Ирландияны жеңді
2024 жылғы Еуропа Чемпионатының іріктеу кезеңі аясында футболдан еліміздің басты командасы Солтүстік Ирландия құрамасымен кездесіп, 1:0 есебімен жеңіске жетті. Ойындағы жалғыз голды 27-минутта Максим Самородов соқты. Бұл «Ақтөбе» командасының ойыншысы үшін ұлттық құрама сапындағы екінші гол. Естеріңізде болса Максим Словенияға қарсы өткен ойында дебюттік голын соққан еді.
Осы жеңістен кейін Магомед Адиев шәкірттері Н тобында 12 ұпай жинап, төртінші орында келеді. Бұл Қазақстан үшін Еуропа және Әлем Чемпионаттарының іріктеу кезеңіндегі үздік көрсеткіші. Осыған дейін, ұлттық құрама 2008 жылғы және 2020 жылғы Еуропа Чемпионатының іріктеу кезеңінде 10 ұпай жинаған.
Еуропа Чемпионаты - 2024. Іріктеу кезеңі. Н тобы
| №. Команда | Ойын | Жеңіс | Тең ойын | Жеңіліс | Доп айырмасы | Ұпай |
| 1. Словения | 6 | 4 | 1 | 1 | 13-6 | 13 |
| 2. Дания | 6 | 4 | 1 | 1 | 12-5 | 13 |
| 3. Финляндия | 6 | 4 | 0 | 2 | 11-4 | 12 |
| 4. Қазақстан | 6 | 4 | 0 | 2 | 9-5 | 12 |
| 5. Солтүстік Ирландия | 6 | 1 | 0 | 5 | 4-8 | 3 |
| 6. Сан-Марино | 6 | 0 | 0 | 6 | 0-21 | 0 |
Айта кетейік, Астана Арена стадионында өткен ойынға ҚР Президенті Қасым-Жомарт Тоқаев және қазақстандық кәсіпқой бокс шебері Геннадий Головкин келіп, Қазақстан құрамасына қолдау білдірді. Ойын аяқталған соң ел Президенті команданың киім ауыстыраатын бөлмесіне барып, жеңіспен құттықтап, жылы лебізін білдірді.
Қазақстан құрамасының келесі екі ойыны сырт алаңда өтеді. 14 қазан күні Копенгаген қаласында Даниямен кездессе, 17 қазан күні Хельсинкиде Финляндиямен ойын өткізеді. Екі ойынның да ұлттық құрама үшін маңызы зор.
Сондай-ақ оқыңыз
Барлығы
