Абиба Абужақынова - Азия ойындарының күміс жүлдегері

48 келі салмақ дәрежісінде сынға түскен спортшы ақтық бәсекеде үш дүркін Әлем Чемпионы жапониялық Натсуми Цунодадан ауырту әдісі бойынша жеңіліп, ХІХ Жазғы Азия ойындарының күміс жүлдегері болды

Ұлттық құрама спортшысы Ханчжоудағы алғашқы белдесуінде Филиппин спортшысын вазари әдісімен, сосын, Солтүстік Корея палуанын ұтты. Ал жартылай финалда Оңтүстік кореялық Ли Хек Енг ескерту алып, Абужақыноваға жол берді.

Айта кетейік, Абиба Әбужақынова биыл ақпанда Португалияда Гран-При бәсекесінде топ жарған (әйелдер арасында) тұңғыш қазақ дзюдошына айналған. Сондай-ақ ол – Отгонцэцэг Галбадрахтан кейін қазақстандық арулар арасынан әлем чемпионатында медаль алған спортшы.