Зарина Дияс «Уимблдон» турнирінде сенсация жасады

Зарина Дияс теннистен 2024 жылғы Уимблдон турнирі іріктеу кезеңінің финалына шықты. 

Дүниежүзілік рейтингіде 967-орында тұрған отандасымыз «Үлкен дулыға» жарысы іріктеу кезеңі жартылай финалында америкалық Сачия Викеримен кездесіп, 3:6, 7:5, 7:5 есебімен жеңіске жетті. Үшінші шешуші сетте Заринаның 2:5 есебімен жеңіліп жатып, таразы басын теңестіріп, жеңісті жұлып алғанын атап өту керек. 

Іріктеу финалында Зарина Дияс қытайлық Чжу Сян Бай мен таиландтық Ланлана Тараруди матчының жеңімпазымен кездеседі.