Тарихи жетістік: семсерлесуден Қазақстан әйелдер құрамасы Азия чемпионатының күміс жүлдесін иеленді

Қылышпен семсерлесуден Қазақстан әйелдер құрамасы тарихта алғаш рет Азия чемпионатының финалында өнер көрсетті. 

Кувейтте өтіп жатқан Азия чемпионатының жартылай финалында қыздарымыз Токио Олимпиадасының қола жүлдегері Оңтүстік Кореяны 45:36 есебімен жеңіп, финалға шықты. Ал финалда Қытай командасынан үш ұпай айырмашылығы 42:45 есебімен жеңіліс тапты. Осылайша, семсерлесуден Қазақстан әйелдер құрамасы тарихта тұңғыш рет Азия чемпионатының күміс жүлдесіне ие болды. Бұған дейін құрамамыз тек қола жүлде еншілеп жүрген болатын.