Испания құрамасы Еуропа Чемпионатының финалына шықты
Герианияда өтіп жатқан Еуропа Чемпионатының алғашқы жартылай финалдық ойынында Испания – Франция құрамалары кездесіп, Луис Де Ла Фуэнте шәкірттері 2:1 есебімен жеңіске жетіп, 2012 жылдан кейін алғаш рет финалға жолдама алды.
Айта кетейік, 2012 жылы финалда Испания құрамасы Италияны 4:0 есебімен жеңіп, үш дүркін Еуропа Чемпионатының жеңімпазы атанған.
Ойынның тоғызыншы минутында Рандаль Коло Муани есепті ашып, Франция құрамасын есепте алға шығарды. Ойынның 21 минутында Ламин Ямаль есепті теңестіріп, Еуропа Чемпионатында гол соққан ең жас ойыншы атанды. Ойынның 25-минутында Дани Ольмо жеңіс голын соғып, Испания Еуропа Чемпионатының алғашқы финалисі атанды.
Ертең Дортмунд қаласында екінші жартылай финалдық ойында Нидерланд – Англия арасындағы ойында Испания құрамасының қарсыласы анықталады.
