Елена Рыбакина Олимпиада ойындарына қатыспайды
![](https://i.qazsporttv.kz/2024/7/25/1721927324183.jpg?w=730&h=431&format=jpg&resize=aspectfill&g=center)
Қазақстандық теннисші, әлемнің 4-ракеткасы Елена Рыбакина Париж Олимпиадасына қатыспайды. Рыбакинаның жазғы ойындардан сырт қалуына денсаулығының сыр беруі себеп болған.
«Елена бронхиттің қабынуынан сырқаттанып қалды, дәрігерлер оның кортқа шығуына ғана емес, жарысқа ұшып келуіне де қатаң тыйым салды. Рыбакина жазғы ойынға белсенді түрде дайындалып, өзінің жоғары деңгейін көрсеткісі келген. Алайда, сырқатына байланысты бұл мүмкін болмады», - делінген федерация хабарламасында.
Қазақстандық теннисшінің орнына аустралиялық Дария Сэвил қатысады.