АҚШ құрамасы 1960 жылдан бері алғаш рет хоккейден әлем чемпионы атанды

АҚШ-тың хоккей командасы Швейцарияны финалда жеңіп, 2025 жылғы әлем чемпионатында алтын жүлдеге ие болды. Шешуші кездесу Швеция астанасы Стокгольмде өтті.

Финалдық ойын овертаймға дейін жалғасып, америкалықтар 1:0 есебімен жеңіске жетті. Үшінші орынды Швеция құрамасы иеленді, олар соңғы ойында Данияны жеңді.

Бұл АҚШ құрамасының тарихтағы үшінші чемпиондығы. Бұған дейін олар 1933 және 1960 жылдары жеңіске жеткен. Сонымен қатар, АҚШ тоғыз рет күміс жүлдегер атанған.