Ливерпуль Вирц үшін 135 миллион еуро ұсынды: Байер бағада нық тұр

Германияның «Байер» клубы жартылай қорғаушысы Флориан Вирц үшін «Ливерпуль» ұсынған 135 миллион еуро көлеміндегі ұсынысты қабылдамады. AS басылымының хабарлауынша, Леверкузендік клуб ойыншыны 150 миллион еуроға бағалап отыр және бұл соманы әділетті деп санайды.

Футболшы мен ағылшындық клуб арасында алдын ала келісімге қол жеткізілгенімен, екі клуб арасындағы мәміле әлі аяқталған жоқ. Германиялық тарап толық сома төленуін талап етуде.

Бірнеше келіссөздерден кейін «Ливерпуль» өз ұсынысын арттырғанымен, бұл «Байердің» талаптарына әлі де сәйкес келмейді. Англиялық клуб келіссөздерді жалғастыруға дайын, әрі бағаны азайтуға үміттеніп отыр.

Жалпы, тараптар арасында бағаға қатысты айырмашылық сақталғанымен, келіссөздер әлі де жалғасуда.