Дарын Қонысбаев Азия кубогының жеңімпазы атанды

Ақмола облысының Бурабай қаласында триатлоннан өткен Азия кубогы жарысында элита санатындағы ерлер арасында қазақстандық Дарын Қонысбаев топ жарып, чемпион атанды. Ол сайысты 1 сағат 46 минут 28 секунд нәтижемен аяқтады.

Жарысқа Оңтүстік Корея, Жапония, Қырғызстан, Өзбекстан, Қазақстан, сондай-ақ Беларусь, Германия, Чехия, Молдова, Эстония, Ресей және Түркиядан 120-дан астам спортшы қатысты.

Бұл турнир World Triathlon ұйымының құрлықтық күнтізбесіне енген және алдағы Азия мен Әлем чемпионаттарына дайындық ретінде ұйымдастырылды.

Екінші орынды ресейлік Роман Минеев, ал үшінші орынды германиялық Тилль Крамп иеленді.