Португалия құрамасының ойыншысы мен інісі жол апатынан қаза тапты

28 жастағы Диогу Жота, «Ливерпуль» клубы мен Португалия құрамасының жұлдызы, Испанияда жол апатынан қаза тапты. Оның інісі Андре де оқиға орнында көз жұмды. Көлік Замора провинциясында трассадан шығып кетіп, өртеніп кеткен. 

 Диогу 2020 жылдан бері «Ливерпульдің» негізгі ойыншыларының бірі болды – ол клуб сапында 182 матчта 65 гол соқты. Оның еншісінде – 2025 жылғы Англия чемпионы атағы, Англия Кубогы және Лига Кубогы бар.